မိဘများအတွက်လမ်းညွှန်ချက်

အရောင်အမျိုးမျိုးပေါ် အခြေခံထားသော အရာဝတ္ထု ၊ ပုံသဏ္ဍာန် အမျိုးမျိုး စသည်တို့ကို တူညီသော အုပ်စုများခွဲခြားပေးရမည်ဖြစ်သည်။

• ယခုသင်ခန်းစာသည် ဖိုးသူတော်လေး(၂)ဦး၏ ဆွမ်းလိုက်ခံကာ ဆွမ်းတော်ကပ်ခြင်းကို ပုံဖော်ထားခြင်းဖြစ်သည်။
• ဆွမ်းချက်ရာတွင်လိုအပ်သော အသားငါး၊အိုးခွက်များ၊ ဆွမ်းချိုင့်များကို အရောင်အလိုက်ထားကာ ဆော့ကစားပေးရခြင်းဖြစ်သည်။
• သင်ခန်းစာအားမစတင်မီ ဖိုးသူတော်လေးအကြောင်း၊ မြန်မာ့ဓလေ့ဖြစ်သော မနက်ခင်းအာရုံတက်ချိန် ဆွမ်းချက်ခြင်းအကြောင်းနှင့် ပါဝင်ပစ္စည်းများအကြောင်းကို ဦးစွာရှင်းပြထားသင့်သည်။
• မိဘများမှ ကလေးအားသင်ခန်းစာကို ဆော့မကစားစေမီ သင်ခန်းစာတွင်ပါဝင်သော ဆွမ်းချက်ရာတွင်အသုံးပြုမည့် ပါဝင်ပစ္စည်းများ၊ဆွမ်းချိုင့်များကိုအရောင်အလိုက် ထားကာဦးစွာဆော့ကစားပြ၍သင်ကြားပေးပါ။
• ထို့နောက် ကလေးအားဆော့ကစားစေပြီး အခက်အခဲများတွေ့ပါက အမှန်ကိုပြသကာ အဘယ့်ကြောင့်ဤသို့ရွေးချယ်ရသည်ဆိုသောအဖြေကို ဂရုတစိုက်ရှင်းပြပေးပါ။